PEB YEEB CEEB FORUM


Join the forum, it's quick and easy

PEB YEEB CEEB FORUM
PEB YEEB CEEB FORUM
Would you like to react to this message? Create an account in a few clicks or log in to continue.
PEB YEEB CEEB FORUM


Most active topic starters
Admin
TXIV NRAUG NTSUAG TUB LAB Vote_lcapTXIV NRAUG NTSUAG TUB LAB Voting_barTXIV NRAUG NTSUAG TUB LAB Vote_rcap 

Latest topics
» VAJTSWV & TSWVVAJ
TXIV NRAUG NTSUAG TUB LAB EmptyFri Jan 14, 2022 7:06 am by Admin

» Chinese Old Song
TXIV NRAUG NTSUAG TUB LAB EmptyWed Jan 05, 2022 6:07 am by Admin

» NTU 1 TSIM TSAA MOOB LUB NEEJ
TXIV NRAUG NTSUAG TUB LAB EmptyWed Jan 05, 2022 6:00 am by Admin

» MY FB FRIENDS
TXIV NRAUG NTSUAG TUB LAB EmptyWed May 12, 2021 11:51 am by Admin

» SAMSON AND THE PHILISTINES - The Old Testament ep. 24 - EN
TXIV NRAUG NTSUAG TUB LAB EmptySun Jan 05, 2020 12:08 pm by Admin

» NAM NKAUJ NOG MUAM NKAUJ LIG
TXIV NRAUG NTSUAG TUB LAB EmptyWed Oct 23, 2019 4:15 am by Admin

» TXIV NRAUG NTSUAG TUB LAB
TXIV NRAUG NTSUAG TUB LAB EmptyWed Oct 23, 2019 4:01 am by Admin

» Chinese DJ Remix 2019
TXIV NRAUG NTSUAG TUB LAB EmptyThu Sep 26, 2019 11:53 pm by Admin

» My Facebook Friends Photos
TXIV NRAUG NTSUAG TUB LAB EmptyMon Sep 16, 2019 6:18 pm by Admin

Who is online?
In total there are 2 users online :: 0 Registered, 0 Hidden and 2 Guests

None

[ View the whole list ]


Most users ever online was 67 on Tue Apr 12, 2016 7:42 am
HMONG STORY........EARTH


HMONG ORIGINAL......EARTH


MUSIC VIDEOS PLAYLIST

Maps Mini Globe
SCMPLAYER

You are not connected. Please login or register

TXIV NRAUG NTSUAG TUB LAB

Go down  Message [Page 1 of 1]

1TXIV NRAUG NTSUAG TUB LAB Empty TXIV NRAUG NTSUAG TUB LAB Wed Oct 23, 2019 4:01 am

Admin

Admin
Admin

TXIV NRAUG NTSUAG  ( Vaj loog tsua )
NKAUJ SIV YIG ( Tub lab )
Tuaj nuj txeeg Tuaj nuj txeeg. ib ntuj tsim peg nrab hmo ib teb tsim tej tag hmo lug tav nuav. Peb yuav tshuab peb yuav has ib nplaj teb leej tuab neeg leej peg twg sawv ntxooj neeb, ib nplaj teb leej tuab neeg leej pes twg sawv ntxooj tsawv ? Ib nplaj teb siv pes yig sawv ntxooj tsawv. siv pes yig ntxooj neeb tseeb khu tug caj los khu zoo. ntxooj tsawv tseeb cawm tej tuag los cawm sawv. siv pes yig yuav ntxooj neeb lug xya naj, siv pes yig yuav ntxooj tsawv lug xya xyoo. Ib qaum ntuj sab tsis zoo yuav tso dlej ib lug nyab, yuav tso nag ib lug kuav. Yuav nyab tau siv pes yig poob sis nthav puag zaj teb, yuav kuav tau siv pes yig poob sis nroog puag zaj chaw. Nam puj zaj moog haus dlej tsis tau rov puj zag nam moog haus cawv tsis tau rais. Siv pes yig xaav pis zoj los chim sab yuav moog muab ib cwj neeb tsoo sis rhawv. Nam puj zaj lub qai nyuas tawg sis plhawv. Siv pes yig xaav pis zoj los chim sab yuav moog muab ib cwj neeb tsoo sis nrug. Nam puj zaj lub qai tub tawg sis plho. Nam puj zaj yuav moog thov nam puj saub, yuav has tas kuv haus dlej tsis tau lug. Leej qas twg sab tsis zoo yuav muab tau kuv qai tub tsoo tawg tag. Nkawm qas twg sab tsis taj yuav moog muab kuv qai nyuas tsoo tawg txhua. ( Temple ) Nam puj saub ua koj tsaug, koj pab kuv khu kuv qai tub koj pab kuv khu kuv qai nyuas. Koj pab kuv cawm kuv qai tub koj pab kuv khu kuv qai nyuas. Koj pab kuv cawm kuv qai tub sawv ua neej. Nam puj saub yuav has tas koj qai tub kuv khu tsis zoo, koj qai nyuas kuv khu tsis sawv. Ib koj teb muaj ib tug yuav yog tau siv pes yig txhaj khu zoo. Ib koj teb muaj ib tug yuav yog tau siv pes yig txhaj khu sawv. Nam puj zaj rov pis zoj lug txug ndlua. Yuav lug thov siv pes yig yuav has tas luag tsuas cav koj ib leeg ntxooj neeb tseeb, khu tug caj los khu nquag. Ntxooj tsawv tseeb cawm tej tuag los cawm zoo. Kuv haus dlej tsis tau rov kuv qai tub moog tawg tag, Kuv haus cawv tsis tau lug kuv qai nyuas moog tawg txhua. Ua koj tsaug koj pab kuv khu kuv qai tub, koj pab kuv khu kuv qai nyuas sawv ua neej. Kuv xa koj nqeg nplaj teb kuv xa koj rov nplaj nrag. Siv pes yig xav pis zoj yuav has tas koj has dlag los has tag. Koj has dlag kuv tsis cawm, koj has tag kuv le cawm. Koj has tseeb los has cuav, koj has dlag kuv tsis khu koj has tseeb kuv le khu. Nam puj zaj yuav has tas tsis has dlag kuv has tag, tsis has cuav kuv has tseeb. Siv pes yig nkaus sis hlo tug cwj neeb hauv muaj tsuag, tsuag lis lawg nam puj zaj lub qai tub sawv sis hlo. Siv pes yig nkaus sis hlo tug cwj neeb hauv muaj tsuag, tsuag lis lawg nam puj zaj lub qai nyuas sawv sis tseeg. Siv pes yig yuav khu tau nam puj zaj tej qai tub lug nquag tag, Siv pes yig yuav cawm tau nam puj zaj lub qai nyuas lug zoo txhua. Nam puj zaj yuav xa tau siv pes yig ntab sis yuj tawm nplaj teb, Nam puj zaj yuav xa tau siv pes yig ntab sis yeev rov nplaj nrag. Siv pes yig yuav ua neej txoos pes yeeg rua nplaj teb ntxooj neeb tseeb, khu nplaj teb zoo peb txheeb. Ntxooj tsawv tseeb khu nplaj nrag zoo peb vam. Siv pes yig yuav ntxooj neeb yuav ntxooj tsawv, khu tug caj los khu zoo khu tug tuag los khu sawv. Ib qaum ntuj los hnov tag, ib qaum peg los hnov txhua. Ib qaum ntuj yuav tso tau leej tub txib nqeg tuaj tog yuav has tas siv pes yig luag cav koj ntxooj neeb tseeb khu nplaj teb zoo peb txheeb, luag cav koj ntxooj neeb tseeb khu nplaj nrag zoo peb vam. Siv pes yig ua koj tsaug, koj pab moog khu qaum ntuj tej tub mob ib qaum peg tej tub nkeeg, ib qaum ntuj mob peb txheeb ib qaum peg nkeeg peb vam. Siv pes yig xav pis zoj xav tsis tag. Siv pes yig nkaus sis hlo tug cwj neeb hauv muaj tsuas nce sis hlo ib qaum ntuj yuav moog khu tej tub mob lug zoo tag, yuav moog cawm tej tub nkeeg lug nquag txhua. Ntxwj pes nyoog sab tsis zoo nyoog pes laug sab tsis taj, ntxwj pes nyoog yuav muab tau siv pes yig leej tub ntxawg yeeg pes zoj ua qab dlawb tua pub noj. Ntxwj pes nyoog yuav muab tau siv pes yig leej tub hlub yeeg pis zoj ua qab kaig tua pub haus. Siv pes yig yuav muab tau leej tub ntxawg lug noj tag, yuav muab tau leej tub hlub lug noj txhua. Siv pes yig ntxooj neeb tseeb tsis tau rov ntxooj tsawv tseeb tsis tau rais, Nplaj peg teb leej tub ntxawg lug tuag tag. Nrag sis cai leej tub hlub lug tuag txhua, Nplaj peg teb yuav tso tau leej tub txib sawv taug lw. Nqeg tuaj poob nplaj peg teb yuav tso tau leej tub txib sawv tsoj qab. Nqeg tuaj txug yuav has tas siv pes yig koj yuav khu ib qaum ntuj tej tub mob tsis tau rov. Nplaj peg teb koj tub ntxawg lug tuag tav, Nrag peg cai koj tub hlub lug tuag txhua. Muab cwj neeb hauv muaj tsuag rov nplaj teb yuav moog khu koj tub ntxawg sawv ua neej. Muab cwj yaig hauv muaj tsuag rov nplaj nrag yuav moog khu koj tub hlub sawv ua neej. Siv pes yig rov pis zoj lug txug ndlua, siv pes yig nkaus cwj neeb hauv muaj tsuag khu tub hlub khu tsis sawv cawm tub ntxawg cawm tsis zoo. Siv pes yig xav xav pis zoj los chim sab nrug tsis rov, chim tsis rais siv pes yig nkaus sis hlo tug cwj neeb lub yeej huam pov sis rhees nkaug sis nkuav nqeg nplaj teb. Siv pes yig nkaug sis hlo tug cwj yaig lub yeej huam pov sis rhees nkaus sis nkuav nqeg nplaj nrag. Ib nplaj teb leej qas twg txuj moov zoo khaws tau tshee, Ib nplaj nrag leej qas twg txuj moov zoo khaws tau ncoj. Nplaj peg teb ntxooj neeb tshab khu tsis zoo ntxooj tsawv tshab khu tsis sawv. Lub yeej huam lug ncav tau txhaj khu zoo, lub yeej koob lug ncav cuag txhaj khu nquag. Lub yeej koob ncav tsis tau khu tsis zoo lub yeej huam ncav tsis cuag khu tsis nquag. Ntuj tom qab ntxooj neeb tshab khu tug caj txhaj khu zoo khu tej tuag khu tsis zoo ntuj tom qab ntxooj neeb tshab khu tug caj txhaj khu nquag. Cawm tej tuag cawm tsis sawv nplaj peg teb Nplooj tsis zeeg zoov tsis kaj Nplaj peg teb leej tuab neeg tsis txawj tuag ib nplaj teb ntim tsis tag, Nplaj peg teb nplooj tsis zeeg zoov tsis hlub nplaj peg teb leej tuab neeg tsis txawj tuag ib nplaj teb tsis txaus nyob, Nplaj peg teb nplooj zeeg zug zoov le kaj nplaj peg teb leej tuab neeg tuag zuj zug lub teb chaws le ntim tag, Nplaj peg teb nplooj zeeg zug zoov le hlub nplaj peg teb leej tuab neeg tuag zuj zug lub teb chaws le txaus nyob os   le txaus nyob....

https://pebyeebceeb.goodforum.net

Back to top  Message [Page 1 of 1]

Permissions in this forum:
You cannot reply to topics in this forum